Tékk-inn fór í loftið í september 2025. Hugmyndin var einföld: að setjast niður með fólki sem leiðir og mótar vinnustaði á Íslandi. Markmiðið er að byggja upp samfélag þar sem við getum öll orðið meðvitaðir leiðtogar.

Helga og Arna hafa brennandi áhuga á flestu sem viðkemur vinnustaðamenningu og því hvernig stjórnendur geta stuðlað að vellíðan starfsfólks og hjálpað því að ná árangri í starfi.

Í þáttunum ræða þær við forstjóra, mannauðsstjóra, ráðgjafa og markþjálfa um forystu, traust, breytingar, geðheilsu og hvernig meðvitund og sjálfsþekking skila sér í betri vinnustöðum. Inn á milli setjast þær tvær niður og fara yfir eigin vangaveltur og spurningar frá hlustendum.